" අපි යමු නංගි කන්න.ඔයා උදේ මෙහෙට ආව නම් දවල්ටවත් කන්න නැතුව ඇති නේද " .
" ඔව් අක්කෙ බඩගින්නක් ආවෙත් නෑ. අනික මෙහෙ වෙන්නෙ මොකද්ද කියල මං හරියට දන්නෙත් නෑනෙ. " සුභා කිවුවෙ සුද්දී දිහා බලාගෙන.
" අනේ පුදුම කෙල්ලෝ දෙන්නෙක් තමා කුරුණෑගල ඉදන් ඇවිල්ල මෙච්චර මහන්සි එකේ බඩගිනි නෑ කියද්දි පුදුමයිනෙ. එන්න යන්න කමු.කාල ඇවිල්ල නිදා ගන්න.හෙට උදේ නැගිටින්න එපැයි. කෝ යමු " සුභා එහෙම කියල ඔෆිස් එකේවැඩකරන අක්කෙක් වන අනූෂා එක්කම කන්න ගියා.
කෑම කන්න තිබ්බෙ වෙනම තැනක් පොඩි තීරුවකින් වගේ තියන හෝල් එකක්.හැමදේම පිලිවෙලයි ලස්සනයි.හෝල් එක පුරාම කහ පාට බල්බ් දාල තිබුනෙ.දිග ලී මේසෙ වටේම පුටු තියල තිබුන.ගොඩක් ගෑනු ළමයි කන ගමන් බැලුවෙ සුභා හා සුද්දී දිහා.ඒ සනූ මේ තැනට අලුත් නිසයි.සුභා සුද්දී අනූෂා එක්කම කෑම බෙදා ගන්න ගියා.සුදු පාට පිගන් වලින් එකක් අරන් බත් බෙදාගෙන තුන්දෙනාම ගියේ මේසෙ කෙලවරට.
" මෙහෙ හැමදේම පිළිවෙලයි නංගි ඉන්න ආස හිතෙනව.මෙහෙ සර් ඉන්නෙ පිට රට කාලෙකට එනව එයා.මාර හැන්ඩියා. හැබැයි මෙතන වැඩ කරන අයට හොදට සලකනව.මෙහෙ පිරිමි ළමයි ඉන්නව එයාලට වෙනම හෝල් එකක් දීල තියෙන්නෙ. මේ කම්පැනි ලේසියකට එන්න බෑ නංගි. වාසනාව තියෙන්න ඕනි.කාලෙකට සැරයයි ගන්නෙ කට්ටිය " කාල ඉවර වෙනකන්ම අනූෂා සුභා ට සහ සුද්දී ට ගොඩාක් දේවල් කිවුව.
තුන්දෙනාම කාල ඉවර වෙලා ඔෆිස් එකෙන් එලියට.
" මේ වගේ ලස්සන තැන් ගොඩක් මෙහෙ තියනව නංගි.ඒත් අපිට ගොඩක් වෙලාවට ඒව බලන්න වෙන්නෙ නෑ.දවසම වැඩ.රෑට මේ එළියට එනවා අපිට මෙහෙම ඇවිදින්න යන්න බයයි පිරිමි අය ගොඩාක් මෙහෙ වැඩ කරන නිසා. සර් නම් හැමදේම පිලිවලට කරන කෙනෙක්.වැඩ අවුල් කරන අයව සර්ට පේන්න බෑ " අනූෂා කිව්වේ එළියේ තියෙන පුටුවකින් ඉදගන්න ගමන්.
" මං මෙහෙ ආවෙ මොන දුකක් විදල හරි මගෙ ගෙදර ප්‍රශ්න විසඳගන්න. ......." සුභා හැමදේම අඅනූෂා ට කිව්වා. සුභාට අප්පච්චි අම්ම මතක් වෙද්දි ඇඩුම් පාලනය කර ගන්න බැරි උනා.
" දුක් වෙන්න එපා නංගි ඔයාගෙ ඕන දේකට අපි ඉන්නව.මෙතන වැඩ කරන කවුරුත් පෝසත් අය නෙවෙයි.දුප්පත් අය. නංගිලා දෙන්නා වැරැද්දක් වෙන්නෙ නැති විදිහට වැඩ කරොත් මේ කොම්පැනියෙ රස්සාවෙන් ඉස්සරහට යන්න පුලුවන්.නංගිලා දුක් වෙන්න එපා.ජීවිතේ ඔහොම තමයි.ගොඩක් දුක් විදින්න වෙනව දුක් විදල තමා ඕන කෙනෙක් ඉස්සරහට යන්නෙ " සුභායි සුද්දී ගොඩක් දේවල් කිවුවට පස්සෙ තුන් දෙනාම ගියේ කාමර වලට.සුභාට ඇදට ගිය ගමන් ගෙදර ගැන මතක් කර කර ඉදල නොදැනීම නින්ද ගියා.
✍️මල්කි
No comments:
Post a Comment